Jaione Fernández.

Blogeko txostenaren autoebaluzioa eta autokritika egiteko orduan, hainbat atal hartu ditut kontuan.

- Irakaslearen irudia aztertzeko bi lan hartu izan ditut batez ere kontuan. Alde batetik irakaslearekin egin nuen elkarrizketa aztertuko dut. Lan honetan oso gustara egon nintzela esan dezaket, baina garrantzitsuena ez da  hori, baizik eta lagunen arteko elkarrizketa bat izan zela. Agian aipatutako azken hau, zuzentzekoa izan beharko litzateke beste elkarrizketa batean. Bestetik nahiko ondo egin nuela uste dut, agian informaltasun gehiegirekin lehen esan dudan moduan, baina bestela nahiko poxik amaitu nuen. Gainera honi buruzko egin nuen blogeko sarrera oso ondo geratu zitzaidala uste dut, eta benetan transmititu nahi nuena transmititu nuela uste dut.

Bestetik eskolan egindako lana hartu izan dut kontuan. Blogean sarrera bakarra ezarri dut, eta egin nuen baino hobeto ezin dudalako egin izan da. Hauxe da, estruktura eta idazkiaren aldetik betiko moduan idatzita dagoela esango nuke, ez hobeto ez txarrago, baina egun hartan sentitu nuena eta beraz sarrera horrekin transmititu nahi nuena, beste egun batean hobeto egitea ezinezkoa ikusi dut. Beraz eskolako lana egunero badaramat nirekin, blogean sarrera bakarra dedikatu diot. Bestetik egindako lanarekin oso poxik nago, agian beti ez dut nire burua irakasle moduan ikusi, eta hori zuzendu beharko dut. Egondako ume txikiekin 7-8 urte, nahiko ondo egon nahiz, eta autoritatea edo holakoa argiago utzi dut. Baina nagusiak ziren ikasleeki 12-13 urtekoekin, gehiegizko kolegeoa dudala uste dut, eta hori, benetako irakaslea naizenean, eta ez orain laguntzaile moduan edo aritu naizela nahiz eta praktikak izan.

- Diigoko lana aztertzeko plataforma honetan egindako aportazioak hartu ditut kontuan. Eta honetan lan gutxi egin dudala esan beharra daukat. Karrera hasieratik lasaitasunez hartu dut, eta zerbait entregatu behar zenean edo benetan egiten nuena gustara, gogoz, eta motibazioz egiten nuenean (blogeko sarrera batzuk, elkarrizketa…) soilik ipini ditut gogoak, edo eman beharrekoa eman dut. Egia da askotan gatean, etxera ailegatzen nintzenean Diigora igotzen nituela bideoak, eta artikuluak, eta asko oso interesgarriak iruditu zaizkit, hala nola irakasleen informazio eskasa hezkidetzaren aldetik. Beraz, bigarren kuatrirako agian, nahiz eta ikasgai hau ez jorratu, informazioa gordetzeko plataforma egokia iruditzen zait, eta beraz bigarren modulu lanerako informazio gehiago bilatzea komeniko zait hasieratik. Behintzat plataforma erabiltzen ikasi dut, hasieran oso galdu nengoen eta pixakanaka gero eta gehiago ulertzen eta erabiltzen jakiten joan naiz. Beraz espero dut bigarren lauhilekoan gehiago erabiltzea eta lan handiago egitea lehenik eta behin.

- Egindako bilaketen hausnarketari dagokion autoebaluazioa nahiko ona dela esango nuke. Egia esanda, Internet testu bat bilatzean, gustukoa izan dudana aukeratu dut gehienetan, hauxe da testu bat irakurtzen nuenean eta gustukoa edo interesgarria iruditzen ez zitzaidanean ez nuen erabiltzen. Beraz testu hauen gainean egindako hausnarketak nahiko ondo egin ditudala uste dut, eta gainera ez ondo edo txarto egitea, baizik eta gogoz lan egin dudala, eta interesgarria izanda, etorkizunerako erabilgarriak izan ahal zaizkidala uste dut.

-     - Azkenik ikas-taldeen ebaluazioa egiteko orduan, eskolan egindako lana hartu dut kontuan. Goiko partean aipatutako moduan, agian nire ume nagusiekin izandako erlazioa “kolegeo” gehiegi egon dela uste dut, eta hurrengo batean hori aldatu beharko nuke. Baina bestetik nahiko ondo egin dudala pentsatzen dut. Benetako inplikazioa ipiniz, eta jai geneukan astean etorriz. Gainera pentsatuta daukat jarraitzea. Etorkizunerako aparteko lana izan dela eta jarraitzean izango dela uste dut. Ez neukan esperientzia bizi izan dudala, eskola hau berezia delako. Berezia ijitoen portzentaje oso nagusia delako, eta honek erakutsi dit beste mundu bat. Eskola hauetan izan beharreko inplikazioa ezberdina da, beraien kultur ezberdina delako. Beraz ezagutu dut beste ikasle mota batzuk, eta noski lan egiteko beste mota bat. Uste dut, eskola mota hauetan lan egitean konturatzen zarela irakasle izan nahi baduzun ala ez, eta niretzako nire pertsonarentzako argi utzi dit baietz, egunero argiago daukadalako irakaslea izan nahi dudala. Beraz egindako lanarekin poxik nago, eta ondo egin dudala uste dut. Txikiei nire ikasgaitik kanpo egin beharreko lanak egiten lagundu diet noizean behin, eta beraien azterketen notetan interesa ipini dut.