Taldekako hausnarketa

Taldeko lana ebaluatzeko, lan ezberdinak hartuko ditugu kontuan; mintegia, errubrika, mapa kontzeptualak… guzti hauek blogean zintzilikatuta egonda.

è Taldeko txostena egiteko orduan lehenengo ebaluagaia talde lanaren ikuspegitik izango da. Honetan guk egindako lana baloratuko dugu. Geure ustez, nahiko ondo konpenetratu gara lana egiteko orduan. Gehienetan eta lan gehienak egiteko guztiok geratu gara, errubrikan ipini genuen bezala, Josuneren etxean ala unibertsitatean. Blogean ikusten den bezala, lan handia egin dugu eta lan horiek ondo eginak izateaz arduratu gara. Zerbait gaizki zegoela ikustean, edo guk nahi genuen bezala geratzen ez zenean, errepasatu egin dugu, eta aldaketak egin ditugu nota hobea lortzeko asmoz. Azkenik guztiek egindako lana parekatua izan dela esan beharra daukagu, eta taldeko oreka ona izan dela. Erabakiak hartzeko orduan, ondo ibili gara, eztabaida bat izan ondoren, akordia batera iritsi garelako.

è Jarraitzeko, kontuan izandako bigarren gauza emaitzen ikuspegia izan da. Nahiko pozik gaude lortutako emaitzekin. Mintegi-kideen lana hasieran gehiegi ez gustatu arren, denborarekin gustua hartu genion. Horma-irudia originala eta deigarria geratu zitzaigun, eta aurkezpenetan txapa gehiegi ez sartzea lortu genuela uste dugu. Egin genuen lan txarrena mapa kontzeptuala izan zen, oso zaila dela uste baitugu. Baina beste guztiak egitean gogotsuago hartu ditugunez, emaitza hobeak lortu ditugula pentsatzen dugu. Gainera mintegiaren lanaren esku hartzea egiteko orduan, ideia originala izan zela uste dugu, eta Perrenouden hamar gaitasunak argi geratzen zirela uste dugu. Pentsatzen dugu, emaitzak ongien ikusteko iturria geure bloga dela, bertan egindako lan guztien sarrerak daudelako.

è Hau guztia kontutan hartuta, eta lan guztietan oinarrituta ikasi ditugun gauzak dezente direla uste dugu. Alde batetik taldeko lana nolakoa den ezagutu dugu, gehienak behintzat, unibertsitatera ailegatu baino lehen taldeka egindako lanak gutxi zirelako. Gainera, kontuan hartu behar da, ailegatu ginenean ez ginela elkar ezagutzen eta horrek lan egiteko orduan eragin handia duela. Normalean ezagutzen duzun jendearekin lanak egitea askoz errazagoa da, bakoitzaren gaitasunak ezagutzen direlako, eta hauek kontuan hartuta lana modu batean edo bestean egin ahal delako. Baina guk pixkanaka-pixkanaka konfiantza hartu dugu, eta zintzotasunez lanak aurrera eraman ditugu, kideak izateaz gain lagunak izaten ere ikasi dugu. Bloga erabiltzen ikasi dugu, taldekide batzuk geure eskoletan behin edo behin blog bat eginda geneukan, baina asignatura honetan benetako erabilera ezagutu dugu. Gainera beste pertsonen blogak bisitatuz informazio ezberdinak lortu ditugu, eta ondorioz ikasi dugu, geure blogeko lana ongi eginez, beste pertsona batzuk hemendik informazioa lortu ahal dutela. Mintegiko lana egiteko orduan, irakasle batek izan behar dituen hamar gaitasunak ikasi ditugu. Kurtsoan zehar, testu eta hitzaldi ezberdinekin, gaurko hezkuntza aldatu behar dela ikasi dugu, baina mintegiko lana egiteko orduan, irakasle batek zehatzago nola izan behar den ikasi genuen. Honez gain, geure ikaskideei azaltzean, irakasle sentitu ginen eta irakasle lana nolakoa den ezagutu genuen.