HEZIKETA FISIKOA, BEHARREZKOA.

     Kirolari buruz egindako azken sarreran aipatu nuen moduan, haurren garapenerako behar- beharrezkoa den zerbait da hauek mugitzea.
Garrantzi hori justifikatzeko argudio asko dauden arren, gaur egun, badaude oraindik irakasleak uste dutenak hezkuntza fisikoaren klaseak bigarren mailakoak direla. Klase hauetan haurrek ez dutenez zertan esfortzu intelektualik egin eta bertan ikasitako materia ez denez zertan liburu batean agertu , askok uste dut klase horiek ez dutela garrantzi askorik. Horregatik, klase orduak nonbaitetik kendu beharko balira, soinketa orduak kentzea dela aukerarik onena uste dute.
Niretzat ikuspuntu hori guztiz okerra da, izan ere, haur askok ez dute ia kirolik egiten eskolaz kanpo ez esateagatik askok ez dutela kirolik egiten eskolatik ateratzerakoan. Haurren mugimendu falta horrengatik arazo asko datozte ondoren gaixotasun moduan edo bestelako modutan.Ondorioz, irakasle guztiek heziketa fisikoko klaseei behar adina garrantzia ematea beharrezkoa da. Horretarako, baliteke gimnasia klaseekiko desadostasun gehien adierazten duten irakasleekin elkarrizketa luzeak eduki behar izatea bi blogeko sarrea hauetan defendatzen ari naizena azaltzeko.
Bestalde, nire ustetan heziketa fisikoko irakasle on batek nolakoa izan beharko zuen deskribatuko dut.
Hasteko, beste edozein irakasgaiko irakaslek bezala irakasteko gogo asko edukitzea guztiz beharrezkoa da, nahiz kasu honetan irakasten dena desberdina izan. Ondoren, kirola oso gustokoa izatea beharrezkoa iruditzen zait; izan ere, irakasleak ez badu kirola maite zaila egingo zaio bere ikasleei horren garrantzia transmititzea.
Irakasle hauek oso dinamikoak izatea garrantzitsua da, horrela bere klaseak dibertigarriak izatea lortuko du joko desberdinen laguntzaz haurrak kirola egiten jarriaz.
Gainera, bere haurrekin guztiz inbolukraturiko irakaslea izan behar du gimnasiako irakasle on batek eta haiei kirol desberdinak irakasteko gogo asko daukana. Horrela, haur horiek etorkizun batean egin al izateko gustuko kirol bat aukeratzea lortzea izan behar du bere helburua; baita ikasle hoiei bizimodu osasuntsu baten berri emateko prestatua dagoen irakaslea.
Amaitzeko, soinketako irakasle on batek eduki beharreko gauzarik garrantzitsuena bere lana asko maitatzea da. Izan ere, lanera gustura doan irakasle batek egunero aurkituko ditu motibazioak bere lanean aurrera egiteko eta etengabeko formakuntzan aritzeko bere klaseak ez aspergarriak bihurtzen hasteko.